Për aktoren Emma Stone, aktorin Ryan Gosling dhe regjisorin Damien Chazelle, filmi La La Land është një ëndërr e kthyer në realitet, duke marrë shtatë çmime Golden Globe dhe 14-të nominime për Oscar.
Ndërsa tani, dy aktorët që i refuzuan rolet kryesore të këtij filmi Emma Watson dhe Miles Teller, po e mallkojnë veten që nuk nënshkruan kontratat për të luajtur në këtë film, shkruan The Independent.
Sipas revistave amerikane, ata duhet ta fajësojnë veten e tyre për këtë gjë. Thuhet se Watson kishte kërkesa të çmendura nga ekipi i filmit dhe kishte kërkuar që provat t’i mbante në Londër.
Ndërsa stafi i filmit kishte bërë pothuajse të pamundurën që ta kishte aktoren në rolin kryesor, mirëpo ajo kishte thënë se thjesht nuk ndjehej e duhura për këtë rol.
Kurse aktori Teller kishte kërkuar 6-të milionë dollarë për këtë film, e i ishin ofruar vetëm 4 milionë.
