Një aksident i rëndë ka ndodhur në Moto GP gjatë provave për çmimin e madh të Japonisë.
Në aksident është përfshirë piloti spanjoll, Jorge Lorenzo, i cili ka fluturuar nga motori pas një gabimi që bëri në kthesë në pistën e Japonisë.
Në atë moment është ndërprerë gjithçka, pasi është dashur ndërhyrja e helikopterit në pistë që piloti i Yamahas të dërgohet menjëherë në spital.
Mediat raportojnë se nga aksidenti fatmirësisht Lorenzo nuk ka dëmtime serioze dhe është jashtë rrezikuat për jetën.