Në fundjavë përkatësisht me 26 mars do të zhvillohet gara e parë për edicionin e sivjetshëm në Formula 1 përkatësisht për Çmimin e Madh të Australisë. Pilotët presin një start të mirë, disa synojnë fitore. Daniel Ricciardo, pilot i Red Bull-it, shpreson në një start të mirë. Ricciardo i ka idetë e qarta në këtë pikë: “Pres që Mercedes e Ferrari të jenë shumë të shpejta në këtë vit. Testet nuk i përcaktojnë asnjëherë plotësisht hierarkitë, por unë shpresoj që ne të jemi bashkë me këto dy skuadra në luftën për titullin. Në këtë garë të parë ne vijmë me shumë besim”.
