Hera e parë, është histori! MotoGP ka anuluar Çmimin e Madh të Britanisë së Madhe, parashikuar dje në pistën e Silverstone. Gjatë gjithë ditës asfalti i ri nuk ka arritur të nxjerrë ujin, ka pasur probleme me drenazhin dhe pas disa shtyrjesh, disa mbledhjesh, pilotët kanë kërkuar të mos zbresin në pistë. Dëshira e tyre është plotësuar. Drejtuesit e skuadrave hodhën poshtë mundësinë që kjo garë të zhvillohej sot, kësisoj FIM në bashkëpunim me Dorna morën vendim ekstrem, sivjet nuk do të ketë garë në Silvertsone. Janë anuluar edhe garat e Moto 2 dhe Moto 3.