Fusha e fshatit Varosh ishte konak i klubit të futbollit Ferizaj dhe IMK Çelikut.
Fusha e Varoshit iu shërbeu gjatë kohës së okupimit (1991-1999), ku disa herë u ndërprenë ndeshjet nga milicia serbe.
Burim Haxhimusa i takon Gjeneratës së Republikës dhe ka qenë ndër futbollistët më të dalluar në radhët e Ferizajt!
Ka qenë karakteristikë në disa raste, tre Haxhimusë luanin në përbërjen e Ferizajt: Nadiri, Burimi dhe Bujari.
Burimi ka qenë ndër mbrojtësit më stabil, u angazhua maksimalisht në vitet më të vështira, duke dhënë kontribut të madh dhe në asnjë formë nuk u zmbraps përkundër kërcënimeve të pushtuesit serb.
Si çdo sportist tjetër edhe Burimi tregoi veten në ditët më të rënda, duke iu kundërvu regjimit serb.
Burimi me vëllain e tij Nadirin, dhanë shumë në kohën kur jeta ishte në çdo sekondë në rrezik nga regjimi serb.
Sot bën një jetë të qetë, e përcjellë me vëmendjen futbollin dhe ndihet krenar që i takoi gjeneratës së sakrificës, duke dhënë gjithçka që kishte nga vetja në të mirë të futbollit dhe shtetit të Kosovës.
