Interi do të jetë sonte para një misioni shumë të vështirë përballë Liverpoolit në “Anfield Road” aty ku i nevojitet një paraqitje dhe performancë e jashtëzakonshme për të arritur objektivin e madh, kalimin në fazën tjetër të Ligës së Kampionëve.
Skuadra e trajnerit Simone Inzaghi e nis këtë sfidë me një disavantazh prej dy golave nga ndeshja e parë e zhvilluar në “Giuseppe Meazza”.
Mungesa e vetme nga të dyja skuadrat do të jetë vetëm mesfushori Nicolo Barella, i cili vazhdon të jetë i suspenduar për shkak të kartonit të kuq.
Tanimë të dy skuadrat kanë publikuar formacionet me të cilat do ta fillojnë këtë ndeshje, dhe ato zyrtare i gjeni më poshtë.
Liverpool: (4-3-3): Alisson; Alexander-Arnold, Matip, Van Dijk, Robertson; Jones, Fabinho, Thiago; Salah, Mane, Jota
Inter: (3-5-2): Handanovic; Skriniar, de Vrij, Bastoni; Dumfries, Vidal, Brozovic, Calhanoglu, Perisic; Martinez, Alexis
21:00 Liverpool – Inter (Stadiumi Anfield Road)
