Manchester City u eliminua nga Real Madrid në gjysmëfinalen e Champions League, dhe kjo gjë ka mërzitur tifozët pa masë.
Në qendër e kritikave për shkak të këtij eliminimi ka përfunduar lojtari i Cityt, Jack Grealish, i cili përballë “Los Blancos” kishte dy mundësi shënimi në “Bernabeu”, të cilat nuk arriti t’i shfrytëzonte.
Fakti se pse Grealish u kritikua lidhet pak edhe me të kaluarën e tij, me anglezin që ishte fans i madh i Real Madridit.
Madje, në “Twitter”, ai kishte publikuar postime të shumta, ku shfaqej në përkrahje të klubit spanjoll.
Por, duket se ai e ka kuptuar reagimin e tifozëve dhe tashmë ka fshirë të gjitha postimet e kaluara që kishte në këtë drejtim.
