Futbollisti i spikatur, Betim Haxhimusa, largohet nga Drita e Gjilanit.
Raportohet se ai ka gjasa të firmos me ekipin e rikthyer në elitë, Ferizajn.
“Prej sezonit te ri nuk do të jem pjesë e FC Drita.
Falënderoj të gjithë për bashkëpunimin që e patëm gjatë këtyre viteve.
Falënderoj Presidentët, drejtorin, trajnerët, stafin e mjekëve, ekonomin dhe gjithë lojtarët për kohët dhe sukseset që i kaluam së bashku përgjatë kohës sa isha pjesë e ekipit.
Falënderoj tifozët ‘Intelektual’ për përkrahjen që ma dhanë gjatë kësaj kohe.
Jam i lumtur që sa isha pjesë e FC Dritës fituam tituj së bashku.
Faleminderit gjithë stafit për besimin e dhënë gjatë këtij rrugëtimi.
FC Dritës i uroj suksese të tjera!”, njofton Haxhimusa.
