“Nuk më intereson shumë se çfarë do të bëjë ai.
Ndoshta do të qëndrojë, ndoshta jo”.
Ishte kjo deklarata që dha një ditë më parë trajneri i Real Madridit, Karlo Ançeloti, duke u shpreh se e ardhmja e mesfushorit Marko Asensio te “merengues” është në dyshim.
Kontrata e Asensio me “Los Blankos” skadon në fund të këtij sezoni dhe 27-vjeçari do të jetë një lojtar i lirë nëse nuk e rinovon atë. Për këtë arsye, mjaft ekipe kanë hedhur sytë nga talenti i kombëtares spanjolle, përfshi edhe Arsenal.
Sipas “AS”, skuadra londineze ka kohë që punon me menaxherin e lojtarit, për të mundësuar transferimin e tij në Premier Ligë. Fakti që trajneri Ançeloti u shpreh shumë ftohtë për Asensio tregon se marrëdhënia mes tyre nuk është shumë e mirë.
Për këtë arsye, Arsenali mendon se mund të arrijë një marrëveshje me mesfushorin, që do të ishte një blerje shumë e rëndësishme, për më tepër që do të vinte me koston zero.
Prej vitit 1016, Asensio ka qenë titullar fiks për Real Madrid, por këtë sezon ka gjetur më pak hapësira.
