Milani është në kërkim të një mbrojtësi të ri në merkato dhe mesa duket tashmë e kanë piketuar një të tillë.
Bëhet fjalë për qendërmbrojtësin e Atletiko Platense, Marko Pelegrino.
Sipas medias argjentinase TyC Sports, presidenti i klubit Sebastian Ordonez është rrugës për në Itali, ku do të diskutojë transferimin e mundshëm të lojtarit me drejtuesit e klubit kuqezi.
Ai hyri në ekipin e të rinjve Platense në moshën 8-vjeçare dhe bëri debutimin e tij profesional disa muaj më parë nën drejtimin e trajnerit Martin Palermo.
Kontrata e tij me argjentinasit skadon në vitin 2024 dhe “Djalli” e mendon atë si një goditje me kosto të ulët për të forcuar mbrojtjen, duke pasur parasysh koston e kartonit që është rreth 5 milionë.
