Celtic mund Rangers në derbin e parë të sezonit!
Ndryshe nga çfarë pritej, mesditën e kësaj të diele, në arenën “Ibrox Stadium” të Glasgout, skuadra e Celtic ka mundur, me rezultatin minimal 0 me 1, në “klasiken” skoceze, rivalët historikë të Rangers, në përballjen e vlefshme të javës së 4-rt, të Premiership.
Përgjegjës për golin e vetëm të sfidës ishte “bomberi” japonez i Celtic, Kyogo Furuhashi, i cili pas një asistimi fantastik të danezit Mattheë O’Riley mposhti portierin Butland, në minutën e 47’ të pjesës së parë, duke vendosur fillimisht avantazhin e më pas fitoren minimale të skuadrës së tij.
Me këtë fitore, Celtic ngjitet në vendin e parë të tabelës me 10 pikë dhe në javën e ardhshme të kampionatit do të përballet me skuadrën e Dundee, ndërsa Rangers pozicionohet në vendin e 4-rt me 6 pikë, ndërsa në javën e ardhshme do të udhëtojë drejt transfertës së Saint Johnstone..
