Andrea Pirlo është në rrezik serioz të shkarkimit pasi Sampdoria pësoi një tjetër humbje në shtëpi, e cila i la në vendin e parafundit në Serie B.
“Blucerchiati” synonin të ishin në garë për t'u ngjitur në Serie A pas rënies së tyre nga kjo kategori sezonin e kaluar, madje kaluan edhe në pronësinë e ish-patronit të Leeds United, Andrea Radrizzani.
Drejtimi i skuadrës i është besuar ish- trajnerit të Juventusit dhe Fatih Karagumruk, Pirlo, por sezoni ka nisur jashtëzakonisht dobët.
Tifozët filluan të protestojnë gjatë humbjes 2-1 në shtëpi ndaj Catanzaro, e cila i la ata në pozicionin e parafundit me vetëm tre pikë nga tetë ndeshje.
Sipas “Calciomercato” drejtuesit e klubit duket se do të mbajë besimin te Pirlo të paktën deri në ndeshjen e ardhshme kundër Ascolit, duke pritur për të marrë një vendim gjatë pushimit të ndeshjeve ndërkombëtare.
