Presidenti i Atletico Madridit, Enrique Cerezo, ka folur për shumë çështje që kanë të bëjnë me bardhekuqtë e Simeones në një intervistë të gjatë dhënë për COPE:
“Ka disa vite që kemi një trajner të mrekullueshëm, një ekip, tifozë dhe drejtues të mrekullueshëm. Ne kemi gjithçka. Unë nuk njoh asnjë ekip në botë që luan mirë në çdo ndeshje, por kjo periudhë është e mrekullueshme për ne dhe çdo herë që fiton ndjenja forcohet”.
– E kishit menduar se epoka e Simeones do të zgjaste kaq gjatë?
“Duke pasur parasysh titujt që ai fitoi… Nuk e kisha menduar kurrë se Simeone do të largohej nga Atletico, as vitin e kaluar”.
– Me kë shkoni më mirë, Laporta apo Florentino Perez?
“Kurrë nuk kam pasur probleme me ta, është gjithmonë kënaqësi të shkosh për drekë me ta, të dy janë shumë të këndshëm. Ne kishim probleme me Fernando Roig dhe vitin e kaluar folëm në telefon, shkova atje, u përqafuam dhe harruam të gjithë armiqësinë”.
– Griezmann tha se dëshiron të rinovojë.
“Ai ka një kontratë të gjatë. Ai do të qëndrojë këtu për aq kohë sa të dojë. Ai ka një kontratë deri në vitin 2026. Simeone sa të dojë, dhe Griezmann po aq sa të dojë.”
– Deco tha se ata janë shumë të lumtur me Joao Félix.
“Ai do të bëhet një nga lojtarët më të mirë në Europë dhe i uroj fat te Barcelona. Nuk e di nëse ai do të kthehet tek Atletico, por nëse Barcelona e dëshiron atë, ata do të duhet të bëjnë një ofertë. Nuk e di. pse nuk shkëlqeu tek ne”.
– A është Atletico një kandidat për të fituar kampionatin?
“Natyrisht. Jemi një nga favoritët për të fituar kampionatin. Favoriti numër një për mendimin tim. Mendoj se çdo lojtar mendon si unë”.
