Ndeshja e fituar sot nga Manchester CIty me shifrat 3-1 ndaj Copenhages, ishte e 900-a në karrierën e Pep Guardiolës.
Trajneri spanjoll është ndër ata të cilët kanë qëndruar më gjatë në stol në dy dekadat e fundit në futbollin europian dhe gjithmonë në ekipe fituese në karrierën në pankinë që e nisi në vitin 2007.
Ndaj edhe statistikat e tij janë marramendëse.
Guardiola ka regjistruar 42 ndeshje me Barcelonën B, 247 me ekipin e parë të Barcelonës, 161 me Bajern Mynih dhe 450 me Mançester Sititn, që është etapa më e gjatë e karrierës së trajnerit spanjoll.
Në këto ndeshje, ai ka regjistruar një total prej 655 fitoresh, 138 barazimesh dhe vetëm 107 humbjesh, gjë që e bën atë padyshim një prej trajnerëve më rezultativë në historinë e futbollit, Në këto sfida, ekipet e tij kanë shënuar një total prej 2220 golash, me 705 gola të pësuar.
