Erjon Hoxhallari mendon se Tirana duhet të marrë ndeshjet me radhë momentalisht, pa menduar për titullin kampion. Pas barazimit pa gola në Kupë, ai theksoi se për trajnerin e ri Erbim Fagu, nuk kishte qenë mundësia të tregonte atë që mund të bënte në pak orët në dispozicion me ekipin.
“Pa gola të pësuar? Besoj se ishte edhe moduli i lojës që luajtëm me 5 mbrapa, apo me 3-5-2 dhe ishim të përqendruar. E pritëm kundërshtarin dhe nga minuta e parë deri në fund ishim të përqendruar.
Profesor Fagu vetëm pak orë ka që ka ardhur. Ne e kemi përgatitur ndeshjen që pas Partizanit me profesor Julin, ai nuk kishte ndonjë gjë çfarë të bënte se nuk e kishim as në stërvitje.
Thjesht atë motivimin që bëri para ndeshjes dhe kaq.
Tani nuk mund të synojmë titullin, jemi thjesht që të përgatitim ndeshjen e radhës, javë pas jave dhe të arrijmë të kapim katërshen. Për titullin kampion nuk mund ta them që tani”, tha për “MCN” Hoxhallari në fund të sfidës.
