Legjenda e Manchester United, Rio Ferdinand, ka lavdëruar Cole Palmer për performancën e tij në sulm, ndërsa e ka cilësuar Jude Bellinghamin e Real Madridit si lojtarin më të mirë nga të dy.
Të dy lojtarët kanë qenë të jashtëzakonshëm për klubet e tyre përkatëse këtë sezon. Bellingham ka kontribuar me 16 gola dhe katër asiste në La Liga, ndërsa ka shënuar katër gola dhe po aq asiste në Champions League.
Ndërkohë, Palmer ka qenë brilant në një sezon të vështirë për Blutë, të cilët e gjejnë veten në vendin e 11-të në renditjen e Premier League për momentin.
Këtë sezon, Palmer ka regjistruar 13 gola dhe tetë asiste në Angli, duke kaluar kështu Bellingham për sa i përket kontributit të golave në kampionatet e tyre përkatës.
Duke i krahasuar të dy, Ferdinand tha në podcastin e tij:
“Mendoj se është nën 21 vjeç, ai ka më së shumti përfshirje në gola ndaj Jude Bellingham në Europë. Është një fakt, ai po e bën atë, po e bën.
“Unë nuk po them se ai është më i mirë se Jude. Ai nuk është aq i mirë sa Jude në sytë e mi. Për çdo gol që shënon Jude, vlen sa për tre ose katër gola për çdo klub tjetër, e dini çfarë dua të them? Sepse është Bernabeu, është në Bernabeu, është te Real, është ndryshe”.
Bellingham u transferua te Real Madrid për 103 milionë verën e kaluar. Kontributet e tij kanë ndihmuar Los Blancos të jenë në krye të renditjes së La Liga-s, ku skuadra e Bellinghamit ka një avantazh prej tetë pikësh ndaj Barcelonas së vendit të dytë.
