Juventusi prej disa ditësh është vëne në ndjekje të bomberit argjentinas të Napolit, Gonzalo Higuain.
Në asamblenë e radhës të ligës italiane të futbollit do të takohen nga afër drejtori i përgjithshëm i kampionëve të Italisë, Beppe Marotta dhe presidenti i Napolit Aurelio De Laurentis.
Marotta pritet t’i propozojë dy alternativa De Laurentis: para plus kartonat e Zazës, Pereyras dhe Mandragorës. Nëse ky propozim dështon atëherë propozimi i dytë do të jetë që bardhezinjtë të paguajnë kluazolën e largimit të lojtarit që kap shifrën e 94.7 milionë eurove.
“Zonja e Vjetër” ka marrë paraprakisht “ok”-in e “El Pipitas” për një kontratë 4-vjeçare me një pagë prej 7,5 milionë në sezon.
