Sulmuesi nga Vushtrria, Erfan Zeneli, sërish kthehet në kampionati finlandez, kësaj here jo në HJK Helsinki, por në ekipin Inter Turku. Një periudhë të gjatë Zeneli kishte luajtur për HJK-në, për të vazhduar aventurën e tij në Kazakistan përkatësisht në klubin Shakhter Karagandy. Faqja e klubit Inter Turku ka konfirmuar se janë përforcuar me futbollistin shqiptar. Trajneri i Interit, Jami Wallenius, është i kënaqur që kanë sjell në klub një futbollist si Zeneli. FC Inter Turku nuk po kalon formë të mirë në 17 javët e para në elitë, ku aktualisht mbajnë pozitën e dhjetë me 14 pikë të mbledhura.
