E ardhmja e mesfushorit James Rodriguez te Real Madridit është ende e paqartë, ndonëse është përfolur se një nga arsyet pse klubi madrilen nuk këmbënguli për blerjen e Andre Gomesit është qëndrimi i kolumbianit në Madrid. “Dua të bind trajnerin Zidane. Këtë sezon shpresoj të kem më shumë minuta në këmbë”, – u shpreh mesfushori për “Marca”-n. Faktikisht, e përditshmja spanjolle shkruan se drejtuesit e “Los Blancos”-ëve do të dëshironin ta shisnin Jamesin, por janë detyruar nga “Zizu”-ja që ta mbajnë minimumi deri në fund të verës. Dhe mundësi ka! Me tri ndeshje në dhjetë ditë, kundër ekipeve si PSG, Chelsea dhe Bayern, James shpreson të bindë trajnerin francez.
