Joe Hart do të largohet nga Manchester City për të vazhduar karrierën në kampionatin italian.
Portieri i kombëtares angleze, do ta lërë vendlindjen për t’iu bashkuar skuadrës së Torinos në Serie A.
Këtë e ka konfirmuar edhe agjenti i portierit Jonathan Barnett, i cili ka thënë se shumë shpejt do të zyrtarizohet kalimi i tij në Serie A, në formë huazimi.
“Po, është e vërtetë që Hart do t’i bashkohet Torinos”, ka thënë Barnett për Tuttosport.
“Tashmë është punë e kryer, pasi që ai ka pranuar ofertën e klubit italian, derisa edhe Manchester City ka dhënë dritën e gjelbër për largimin e tij”, ka theksuar agjenti i portierit 29-vjeçar.
