Tifo-grupi ferizajas, “Ujqit”, kërkojnë dorëheqjen e kryesisë aktuale të klubit të futbollit Ferizaj.
Kryetari i këtij grupi, Herton Hoxha, thotë që “Ujqit” s’do të ndalen deri sa t’ia arrijnë qëllimit.
“Ne kërkojmë dorëheqjen e kryesisë së klubit të futbollit Ferizaj. Në ndeshjen e fundit kemi organizuar gjithçka. Kemi hedhur topa të tenisit në fushë dhe kemi shkruar mesazhe për dorëheqjen e kryesisë. Largimi i këtyre njerëzve nga kryesia e klubit është shpëtimi i vetëm për Ferizajn”, deklaroi Hoxha.
Ferizaj ndodhet në pozitat e fundit të tabelës, pas rikthimit në Superligë.
