Ish-futbollisti i mirënjohur, Ynall Duraku, nuk ka mundur të qëndrojë anash dhe mos të reagojë kur ka parë talentin e futbollit, Redon Bejta, se si ishte i mbuluar nga lloçi në fushën futbollit në Merdarë. Për një moment iu ka kujtuar periudha e viteve të 90-ta, e kohës së okupimit kur ishin në përndjekur nga regjimi kriminal i Serbisë. Atëkohë kanë luajtur në fusha të improvizuara dhe të mbuluara me lloç dhe aty i ndiqte okupatori serb. “E kemi kërkuar edhe na këtë pasul si ky talent, ja që tash jemi rrugëve si pensionist tanë jetën. E kemi jep për sport tash as që të bëjnë hesap që je gjallë”, komenton Duraku.
