Klubi i Real Madridit ka zyrtarizuar ditën e sotme rinovimin e kontratës me Cristiano Ronaldon i cili do të jetë pjesë e “Santiago Bernabeu”-s minimumi deri në vitin 2021.
Ende nuk janë bërë publike zyrtarisht detajet financiare por sipas “Eurosport”, portugezi do të marrë një pagë faraonike e cila përllogaritet në 45 milionë sterlina në sezon.
E llogaritur ndryshe Ronaldo pritet të përfitojë plot 440 mijë sterlina në javë, ndërsa klauzola e lirimit të lojtarit është një çmenduri e vlerësuar prej 900 milionë sterlinash.
Sipas burimeve të "Eurosport" priten që këto shifra të zyrtarizohen edhe nga klubi i Real Madridit.
