Philippe Coutinho është lënduar në ndeshjen e së shtunës përballë Sunderlandit.
Në momentin e mirë në të cilin po kalon Liverpooli, vjen një lajm i hidhur për trajnerin Jurgen Klopp.
Ashtu siç pritej lëndimi i Coutinhos, është mjaft serioz dhe lojtari do të mungojë nga pesë deri në gjashtë javë.
Pas testeve të kryera sot është konstatuar lëndimi i tij në gju që do ta mbajë yllin brazilian jashtë fushave deri në fillim të vitit të ardhshëm.
Si rezultat i këtij lëndimi Coutinho pritet të humbas ndeshjet ndaj, Bournemouth, West Ham, Middlesbrough, Everton, Stoke City, Manchester City dhe Sunderland.
24-vjeçari ka realizuar gjashtë gola në të gjitha garat me ‘The Reds’ në këtë sezon, duke udhëhequr ekipin drejt pozitës së dytë në Premier Ligë pas 13 xhirove.