6 ditë pas zyrtarizimit tek Levadiakos, Qazim Laci ka debutuar me fanellën e re. Mesfushori i 21-vjecarëve të Shqipërisë e ka nisur nga stoli transfertën ndaj Verias, sfidë të cilën Levadiakos e humbi me rezultatin 2-0. Mesfushori nga Peshkopia hyri në fushën e lojës në minutën e 75 në vend të Kapsaskis, me shpresën për të ndryshuar rrjedhën e kësaj sfide. Me rezultatin e vendosur që në minutën e 46, Laci nuk mundi të bëjë asgjë në sfidën direkte për mbijetesë.
Trajneri Ratko Dostanic bëri një zëvendësim kokë më kokë, teksa kishte preferuar nga minuta e parë 20-vjecarin Kapsaskis, që duket se do të jetë rivali i Lacit për një vend në formacion. Kjo është skuadra e dytë në futbollin grek për futbollistin që më 19 janar mbush 21 vjec, teksa është një produkt i skuadrës më të madhe në futbollin helen, Olimpiakos. Aventura tek Levadiakos në super ligën greke është një pikë nisje për mesfushorin, pas aventurës aspak pozitive me APOEL Nicosia.
