E mërkura e 15 shkurtit do të jetë shumë e nxehtë për Arsenalin e Londrës në ‘Allianz Arena’, ku ndeshen me kampionin gjerman Bayernin nga Munihu, në kuadër të ndeshjes së parë të tetës së finales së Champions League.
Futbollisti i kombëtares së Zvicrës, shqiptari Granit Xhaka, është gati për këtë sfidë të madhe. Tabloidi anglez ‘Daily Mail’ ka bërë një shkrim në lidhje me Xhakën, duke e pasqyruar me fotografitë e të fejuarës së tij, Leonita Lekaj. Xhaka ishte suspenduar në Premier League pas kartonit të kuq ndaj Burnleyt.