Mohammed Abas, lojtar i Free Stars State në kampionatin e Afrikës së Jugut, ishte protagonisti i ndeshjes që ekipi i tij zhvilloi ndaj kundërshtarëve të Ajax Cape Town. Në përfundim të 90 minutëshit, afrikani u shpall lojtari më i mirë i takimit.
Mohammed Abas këtë çmim që mori ia dedikoi bashkëshortes dhe të dashurës së tij.
“Shumë faleminderit të gjithëve. Falenderoj Zotin. Gjithmonë kam ëndërruar ta fitoj një çmim të tillë dhe tani e kam në duar. Ia dedikoj fansave, gruas dhe të dashurës sime… më falni, gruas! Të dua me gjithë zemër”, tha Abas duke qeshur.
