N’Golo Kante mund të vrapojë sa 11 lojtarë, kështu mendon Paul Pogba.
Mesfushori francez i Manchester Unitedit, Paul Pogba, mendon se rreziku kryesor në sfidën ndaj Chelseat do të vijë nga mesfushori, N’Golo Kante.
Pogba ka lavdëruar bashkëkombësin e tij, duke thënë se ai gjendet në çdo cep të fushës dhe se është e vështirë ta kalosh.
“Të gjithë e dinë se N’Golo Kante mund të vrapojë sa 11 lojtarë – kjo është cilësia më e mirë e tij”, tha Pogba për “Manutd.com”.
“Ai luan shumë thjeshtë me topin., Kur trajneri i thotë diçka, ai e kryen punën, madje do të bëjë atë për mrekulli”, shtoi Pogba.
“Ai është një ndër lojtarët më të mirë të Chelseat. Kante bën diferencën sepse, të jem i sinqertë, kur ju i shikoni ata duke humbur topin, kur ai vetë gjithashtu humb topin, Kante e rrëmben menjëherë. Ai është gjithkund, është lojtar i mrekullueshëm”, përfundoi Pogba.
