Leonardo Bonucci ka thënë se fitorja prej 4-0 kundër Genoas ishte një përgjigje e rëndësishme pas euforisë së eliminimit të Barcelonës nga Liga e Kampionëve.
Qendërmbrojtësi shënoi një gol spektakolar në fitoren që e afron Juventusin drejt titullit të radhës në Serie A.
“Ishte një goli mrekullueshëm, është keq që menjëherë pas e humba një tjetër. Ishte e rëndësishme që të bënim një reagim të këtillë, pas euforisë së javës së kaluar në Ligën e Kampionëve”.
“E dëshmuam edhe një herë se jemi një ekip i shkëlqyer që lë prapa të shkuarën dhe angazhohet ta ndërtojë të ardhmen”, ka deklaruar Bonucci për Mediaset Premium.
Bonucci ka folur edhe për zënkën me Massimiliano Allegrin që i kishte kushtuar me lënie në tribuna.
“Ajo që ndodhi me Allegrin na bëri më të fortë, edhe si grup edhe mua personalisht. Diçka e tillë na dha një shtesë të madhe për fazën përfundimtare të sezonit, ku na pret një muaj vendimtar dhe ne mund të provojmë të fitojmë gjithçka”, ka shtuar qendërmbrojtësi.
