Antonio Conte ka dashur të sqarohet për deklaratën që e kishte dhënë më herët, duke thënë se është jashtëzakonisht krenar me fitoret që kishte me Juventusin dhe se do të ishte arritje e madhe nëse me Chelsean do ta fitonte titullin.
Ish-trajneri Bianconer dhe i Italisë, kishte shkaktuar jo pak zemërim tek tifozët juventinë kur në konferencë për shtyp kishte thënë se fitimi i Ligës Premier do të ishte arritje e tij më e madhe.
“Jam në këtë kampionat aktualisht, është sezoni im i parë, duke qenë në gjendje të sfidojë dhe ta fitojë trofeun do të ishte diçka e jashtëzakonshme”.
“Është eksperienca ime e parë jashtë, në një kampionat të ri, me gjëra të reja, një kampionat i vështirë me trajnerë shumë të fortë. Është një sfidë e vështirë për mua”.
“Por e kaluara nuk mund të harrohet, jam krenar për atë që kam bërë dhe titujt e fituar me Juventusin”.
“Skuadra vinte nga dy vende të shtata dhe ne fituam menjëherë kampionatin dhe ndërtuam diçka të rëndësishme”.
“Dhe sot Juve është aty ku duhet të jetë”, ka thënë Conte.
