Dy futbollistët e mëdhenj Philipp Lahm dhe Xabi Aloso sot në fanellën e Bayern do të luajnë ndeshjen e fundit në karrierë dhe do të shkojnë në pensionin e merituar.
Dyshja legjendare do të përshëndetet në ndeshen kundër Freiburg, i cili për bavarezët është i parëndësishëm pasi tashmë kanë siguruar titullin e kampionit të Gjermanisë.
Lahm (33) për fanellën e Bayern deri tash ka luajtur 516 ndeshje.
Mijëra tifozë përveç Lahm, do të përshëndetin edhe Xabi Alonso, i cili në moshën 35-vjeçare do t’i japë fund karrierës gjatë të cilës ka fituar 17 trofe.
Ai trofeun e parë e kishte fituar në Ligën e Kampionëve me Liverpulin në vitin 2005, ndërsa me Realin dhe përfaqësuesen spanjolle fitoi të gjitha ato që mundi dhe erdhi në Bayern me të cilin fitoi edhe pesë trofe.
