Manchester Utd është fitues i Europa League në futboll. "Djajtë e Kuq" treguan fuqinë e tyre në përballje me Ajax-in nga Amsterdami, duke triumfuar me rezultat 2:0, në finalen e madhe që u luajt në stadiumin "Friends Arena" në Stokholm.
Trajneri Jose Mourinho është sikurse në qiellin e shtatë për faktin se përveç që fitoi trofeun e çmueshëm siguroi edhe vizën për në Champions League. Manchester Utd pas një periudhe i kthehet garës më prestigjioze, Championsit. Futbollistët e Ajax-it u munduan me forcat e tyre, por dot që ta sfidojnë një Manchester Utd që ka yje në petkun e saj, si Pogba, Fellaini, Mata, Mkhitaryan, Rashford etj. Skuadra angleze edhe pa sulmuesin më të mirë Zlatan Ibrahimoviç shtroi autoritetin e saj në fushë, mbrojtja në nivelin e lartë, mesfusha qarkulloi topin në mënyrë të përsosur me një sulm energjik, ndëshkuan skuadrën e mirënjohur holandeze.
Në minutën e 18-të, Paul Pogba hapi serinë e golave, duke konfirmuar se trofeu nuk do të shkojë askund tjetër përveç në Manchester. Marouane Fellaini për bukuri asistoi deri të Pogba i cili me mjeshtrin e tij kaloi në epërsi Manchester Utd. Në minutën e tretë të pjesës së dytë përkatësisht në atë të 48-tën, Ajax në një situatë të vështirë për shkak se pësuan edhe një gol dhe në anën tjetër te Manchester Utd një qetësi e siguri deri në fund të ndeshjes.
Futbollisti armen Henrikh Mkhitaryan është brenda 16-shit jo me larg se dy metra nga porta, me vetëmohim të pashoq godet dhe fërfëlloi topin në rrjetën e portierit Onana, 0:2. Gol që vulosi edhe sfidën, pasi që Ajax nuk kishte forcë të bëjë asgjë deri në fund. Një trofe i çmueshëm për Manchester Utd, ndërsa Ajax me gjithë përpjekjet nuk e arritën të paktën të shënojnë në finalen e madhe.
Ajax-Manchester 0:2
Stadiumi "Friends Arena", Stokholm.
Gjyqtar: D. Skomina (Sllovenia).
Shënues: POgba (18'), Mkhitaryan (48').
Kartonat e verdhë: Younes, Veltman, Riedewald - Mkhitaryan, Fellaini, Mata.
Ajaxi: Onana, Veltman, Sanchez, De Ligt, Riedewald (De Jong 82'), Klaassen, Schone (Van de Beek 70'), Ziyech, Traore, Dolberg (Campos 62') dhe Younes.
Manchester Utd: Romero, Valencia, Smalling, Blind, Darmian, Herrera, Mata (Rooney 90'), Fellaini, Pogba, Mkhitaryan (Lingard 74') dhe Rashford (Martial 84').
