Jose Mourinho e ka bërë të qartë se biznesi i transferimeve tash është në duart e drejtorit Ed Woodward, të cilit ai ia ka bërë të ditur emrat e lojtarëve që i dëshiron para dy muajsh.
Djajtë e Kuq e fituan Ligën e Evropës dhe në këtë mënyrë siguruan edhe rikthimin në Ligën e Kampionëve, pas fitores prej 2-0 kundër Ajaxit në Stokholm.
“Ed Woodward e di se çfarë dua, qe dy muaj i kam treguar, tash varet nga ai, nga pronarët dhe njerëzit që punojnë me të. Prandaj unë vetëm do të pres”.
“Mirëpo, tash e një kohë nuk do të mendoj për futbollin”, ka deklaruar Mourinho për BT Sport.
Duhet përmendur se Mourinho vuri rekord me këtë triumf duke u bërë trajneri i vetëm që e ka fituar nga dy herë Ligën e Evropës dhe Ligën e Kampionëve.