Ndeshja finale e Kupës së Kosovës në futboll në konkurrencën e femrave ndërmjet Hajvalisë dhe Kosovës së Prishtinës, do të zhvillohet më 31 maj, në orën 13:00, në stadiumin “Riza Lushta” në Mitrovicë, para ndeshjes finale të Digitalb Kupës së Kosovës në konkurrencën e meshkujve ndërmjet Besës dhe Llapit.
Kjo ndeshje pritet me kërshëri ndërmjet këtyre dy skuadrave që lakmojnë trofeun e Kupës së Kosovës, por vështirë është të parashikohet se cila është më afër qëllimit.