“Ishte nder të punoja me më të mirin”, ishin fjalët e trajnerit Luis Enriques në konferencën për shtyp para finales së Copa del Rey.
Të shtunën mbrëma, ndeshja kundër Alaves do të jetë e fundit për trajnerin në stolin e Barcelonës.
Enrique foli edhe për pesë herë fituesin e “Topit të Artë”, duke thënë se për të ka qenë kënaqësi të punojë me më të mirin e botës.
“Ishte një kënaqësi të punoj me futbollistin më të mirë të botës. Messi është lider, një lojtar shembull për shokët dhe të gjithë. Ai është më i miri në të gjitha aspektet”, tha Enrique.
Ish trajneri i Romës ka shansin ta mbyllë aventurën te Barcelona me një trofe, atë të Copa del Rey, kur të shtunën në mbrëmje përballet me Alavesin.
