Manchester United pritet të jetë aktiv në këtë afat kalimtar për të përforcuar skuadrën për sezonin e ardhshëm, ku do të marrë pjesë edhe në Champions League.
Jose Mourinho ka transferuar mbrojtësin e Benficas, Victor Lindelof për 45 milionë euro, i cili pasi kreu testet mjekësore ka nënshkruar kontratë me ‘Djajtë e Kuq’, për t’u bërë transferimi i parë i tyre në këtë afat kalimtar.
“Victor është një futbollist shumë i talentuar që ka një të ardhme të ndritur para vetes me klubin e Manchester United”, ka deklaruar Mourinho pas zyrtarizimit të transferimit të 22-vjeçarit.