Shkëndija nga Tetova futet si favoritë kundër Gostivarit, në ndeshjen e rrethit të parë të Kupës së Maqedonisë në futboll. Ndeshja do të luhet në Gostivar dhe Shkëndija udhëton e favorizuar.
“Takimi është përcaktuar të luhet më 16 gusht në stadiumin e qytetit në Gostivar, mirëpo i njëjti do të shtyhet shkaku i pjesëmarrjes së Shkëndijës në play - off të UEFA Europa League dhe takimit me Milanin në San Siro më 17 gusht”, bëhet e ditur nga Shkëndija. Skuadra tjetër shqiptare, Renova nga Xhepçishti i Tetovës, do të jetë mysafir i Tikveshit, ndërsa në Kërçovë ndeshen skuadrat shqiptare ndërmjet vete, Zajazi – Shkupi. Në Veles Boreci sfidon skuadrën shqiptare, Vëllazërimi nga Kërçova, ndërsa Struga Trim Lum – ballafaqohet me Makedonija Gj.P. Ndeshjet do të zhvillohen me 16 gusht, kurse finalja me 9 maj të vitit të ardhshëm.
Kupa e Maqedonisë, 1/16 e finales:
Gostivari – Shkëndija
Zajazi – Shkupi
Tikveshi – Renova
Boreci – Vëllazërimi
Struga Trim Lum – Makedonija Gj.P
Lokomotiva – Vardari
SSK Nova – Akademija Pandev
Kozhuv – Novaci
Vardar Negotino – EuroMilk
Bellasica – Pelisteri
Pllaçkovica – Pobeda
Osogovo – Bregallnica Shtip
Mogila Bi-Milk – Sileksi
Ohrid – Skopje Lihnidos
