Në daljen e tij përpara mediave, trajneri i Skënderbeut, Ilir Daja, ka folur në lidhje me sfidën e së enjtes ndaj Dinamos dhe dilemat që ka për formacionin.
“Për mua më e rëndësishme është se nuk kemi asnjë futbollist të dëmtuar deri tani dhe pa dyshim që të mos kesh mungesa në ndeshje të tilla kaq të forta, është diçka e rëndësishme. E vetmja mungesë është ajo e Nazmi Gripshit, pasi lojtari nuk do të udhëtojë me skuadrën pas problemeve me pasaportën, ndërkohë që të tjerët për mua janë gati", tha Daja.
