Tifozët e Shkëndijës, Ballistët kanë krijuar një atmosferë të jashtëzakonshme në prag të përballjes së sotme me Milanin në Europa League.
Në faqen e zyrtare në Facebook “Ballistët” kanë publikuar pamje nga qendra e Milanit “Piazza Duomo”, duke kënduar këngë patriotike, që tashmë janë bërë tradicionale në përkrahje të sportistëve shqiptarë.
“Një pjesë e Ballistëve në Piazza Duomo. Ku ka Ballist, ai vend frymon shqip”, thuhet në postimin e Ballistëve, ndërsa theksojnë se “Shkëndija bashkon shqiptarët”.
Rreth 17 autobusë me tifozë të organizuar do t’i japin sonte mbështetje Shkëndijës në San Siro ndaj Milanit.