Skuadra e Prishtinës udhëton në Skenderaj për t’i marrë tri pikë në përballje me Drenicën. Prishtina mungesë e ka vetëm Debatik Currin e “skuqur” pas dy kartonëve të verdhë në ndeshjen e fundjavës me Lirinë. Kryetrajneri i Prishtinës, Arsim Thaçi, beson e shpreson se do të kthehen me pikë të plota. “Si fushë, si stadium, gjithmonë ka qenë i vështirë për ekipet. Por, ajo që duhet theksuar, se si ekip, e potencoj, gjithmonë kanë qenë korrekt maksimalisht , duke u nisur nga tifozët që për mua janë model për krejt klubet e futbollit në Kosovë dhe normalisht pjesa tjetër, lojtarët, kanë qenë gjithmonë korrekt brenda fushës. Pra, neve na konvenon si ekip, kjo mënyrë, kjo atmosferë dhe kjo sjellje e lojtarëve dhe e publikut. Kështu që presim një lojë shumë të mirë. Normalisht presim t’i vazhdojmë sukseset ashtu siç kemi thënë më herët, se fitorja me Lirinë dhe kthimi i fitoreve me Flamurtarin, na e jep mundësinë që ne të vazhdojmë me fitore dhe unë jam i sigurt që do të vazhdojmë me këtë ritëm dhe normalisht suksesi është i përbashkët, sepse numër një është klubi, pastaj gjërat tjera”, ka thënë Thaçi për faqen e FC Prishtina.
Superliga e Kosovës, java e 4-të
E mërkurë
Vllaznia-Trepça '89
Drenica-Prishtina
Liria-Drita
Besa-Flamurtari
E enjte
Gjilani-Vëllaznimi
Ndeshjet fillojnë në orën 16.30
Liga e parë, java e katërt
E mërkurë
Vushtrria-Dukagjini
Trepça-Ferizaj
KEK-u-Ballkani
Fushë Kosova-Rahoveci
Vitia-Onix Banja
Bashkimi-2 Korriku
E enjte
Kika-Hajvalia
Ndeshjet fillojnë në orën 16.30