Ylli nga Kosova, Xherdan Shaqiri, me Stoke Cityn nuk patën fat që të kthehen me një pikë në ballafaqim me Newcastlen, duke pësuar humbje rezultat 2:1. Futbollisti shqiptar tregoi lojë shumë të mirë dhe ishte prej më të mirëve në fushën e lojës.
Ai në minutën e 57-të nga rreth 20 metra goditi fortë, ku topi përtokë futet në pjesën e poshtme të djathtës të portës së vendasve, duke u barazuar rezultati. Stoke ishte e pafat që të kthehet me një pikë, pasi që pësuan dy gola: Atsu (19’) e Lascelles (68’). Nga ‘Daily mail’, portali i mirënjohur britanik, Shaqirin e ka vlerësuar me notën 7, më e mira nga lojtarët e Stoke Cityt.