Ndahet nga jeta në moshën 80-vjeçare një nga emblemat e arbitrimit shkodran, Tahir Kalaci. Ish-gjyqtari i FIFA-s është shuar mëngjesin e së martës.
Ka qenë shembulli më i mirë për shumë breza arbitrash në Shkodër, të cilët kanë parë tek ai njeriun punëtor, të ndershëm dhe korrekt.
Sakaq, edhe pasi e mbylli karrierën, nuk e la arbitrimin, pasi drejtoi për vite me radhë Kolegjiumin e Arbitrave të Shkodrës dhe njëherësh ishte anëtar i kryesisë së FSHF-së.