Skuadra e Baselit triumfoi me rezultat minimal 1:0 kundër Zurich-ut, në derbin e javës së 9-të të elitës së futbollit zviceran. Taulant Xhaka u paraqit titullar për Baselin dhe kontribuoi në fitoren e madhe. Në minutën e 62-të, Oberlin shënoi për fitoren e kampionit në fuqi, Baseli.
Kjo ndeshje u luajt në stadiumin “St. Jakob-Park” dhe u përcoll nga 29.584 shikues. Xhaka tregoi angazhim të madh, por në çastet e fundit është ndëshkuar me karton të verdhë. Baseli është në vend të tretë me 14 pikë sa ka edhe Zurich në pozitën e dytë.
