Manchester City ka arritur të triumfojë në Ethihad Stadium përballë Napolit me rezultat 2-1.
Skuadra e Pep Guardiolas e nisi mirë ndeshjen pasi shënoi që në minutën e nëntë me Reahem Sterling.
Anglezi përfitoi nga një top i kthyer nga mbrojtja pas goditjes së Walker.
Nuk vonoi shumë dhe rrjetën e gjeti edhe Gabriel Jesus.
Sulmuesi brazilian mori një pasim nga Kevin De Bruyne dhe nga afër shënoi në portën e Pepe Reinas.
Napoli kishte rast të mirë ta ngushtojë epërsinë në pjesën e parë, pasi kishte një penallti.
Nga pika e bardhë dështoi të shënojë Dries Mertens pasi gjuajtjen e tij e priti portieri Ederson.
Pjesa e dytë ishte më e qetë pasi anglezët tentonin ta mbanin lojën nën kontroll.
Rast të mirë kishte Hamsik në minutën e 65-të që gjuajti me kokë, por mbi portë.
Napoli hapi takimin në mintuën e 72-të kur nga pika e bardhë shënoi Diawara.
Deri në fund nuk pati më gola.
Manchester City tani ka nëntë pikë, ndërsa Napoli mbetet me tri pikë.
