Një ngjarje jo e mirë ka ndodhur në stadiumin e njohur anglez “Goodison Park”, në ndeshjen Everton – Lyon.
Takimi i vlefshëm për fazën e grupeve të Europa Ligës, u mbyll me rezultat 1 me 2 në të mirë të francezëve, por që pati edhe trazira mes futbollistëve.
Williams, kapiteni i Evertonit u kap keq me ish-lojtarin e Chelseat, Traore – e krejt kjo “përleshje” ku pati edhe disa goditje u bë afër tifozëve, të cilët e patën të lehtë të shpërndajnë boksa në drejtim të futbollistëve mysafirë.
Për fat të mirë në këtë incident nuk pati lëndime, ndërsa gjyqtari i ndeshjes befasoi duke mos e ndëshkuar asnjë futbollist.
