Presidenti i Federatës Italiane të Futbollit, Carlo Tavecchio, dot nuk e ka përpirë mos kualifikimin e Italisë në Kampionatin Botëror. Ai nuk ka dhënë asgjë konkrete se do të shkarkohet apo jo përzgjedhësi italian, Giampiero Ventura.
“Jemi thellësisht të hidhëruar dhe të zhgënjyer për mungesën e kualifikimit në Botëror. Është një zhgënjim sportiv që kërkon një zgjidhje, ndaj do të zhvillojmë një mbledhje me të gjithë anëtarët e federatës, për të bërë një analizë të thellë dhe për të vendosur për të ardhmen”, ka thënë Tavecchio.
