Periudha e viteve të 80-ta përkatësisht 1983-88, ka qenë prej të artave për klubin e futbollit Prishtina. Shumë futbollistë kaluan nëpër këtë klub dhe që sot e asaj dite mbahen mend dhe shumë herë përmenden për lojërat e jashtëzakonshme.
Fadil Muriqi dhe Fadil Vokrri, një tandem që se kishte shoqin në përiudhën e viteve të 80-ta, dyshja që shkatërronte çdo gjë para vetes. Fadil Vokrri tani është kryetar i Federatës së Futbollit të Kosovës, por në fakt ku gjendet Fadil Muriqi? Fadilat e mëdhenj tani nuk janë bashkë!
Muriqi është në Australi tash e një kohë mbase pas luftës ka qenë trajner i klubit të futbollit Prishtina sidomos në periudhën 2005-06, pastaj u largua dhe madje nga zhgënjimi i madh me sportin në vendin tonë, vendosi të rikthehet sërish në shtetin australian.