Kohët e fundit flasin se në Kosovë mungon shikueshmëria, për faktin se nuk ka cilësi, ka zëra që thonë se edhe nuk e duan fortë sportin. Një fakt shumë interesant dhe më së miri e dinë edhe gjenerata e artë e Prishtinës në krye me Fadil Vokrrin, se në vitin 1984-85 prishtinasit me shikueshmëri kanë qenë kampione të Jugosllavisë, ndërsa si skuadër zuri vendin e dhjetë me 32 pikë në Ligën e Parë. Prishtina e para si skuadra më e shikuar si vendas, la pas klubin famëkeq Cërvena Zvezdën e Beogradit, Vardarin e Shkupit, Dinamo Zagrebin, Hajdukun e Splitit, Partizanin e Beogradit. Prishtina kampione për shikueshmëri si vendas, mesatarja për ndeshje 18647 shikues, pas saj janë: C. Zvezda 17.529, Vardari 13.588, Hajduk Spliti 12.941, Partizani 11471, Dinamo 11471 etj. Si mysafirë skuadra më e shikuar ka qenë C C. Zvezda me 19529 shikues. E kemi fjalën pr vitin 1984-85, pra për 17 ndeshje si vendas e 17 si mysafirë. Skuadra që vinin në Prishtinën iu dukej atëkohë se po luajnë në atmosferën braziliane dhe shumica kanë qenë të tronditur, sepse nuk mund ta besonin se aq shumë e duan shqiptarët futbollin në përgjithësi sportin sidomos që tregonin një korrektësi të pashoq.