Komisioni Disiplinor ka dënuar me dy ndeshje moslojë Altik Muhaxhirin e Vëllaznimit, pas kartonit të kuq ndaj Feronikelit.
Edhe pse preki topin pa qëllim jashtë zone, gjyqtari e ndëshkoi direkt me të kuq,
“Komisioni Disiplinor i shkallës së parë, në mbledhjen e mbajtur me datë 24.11.2017 – ditë e enjte ora 13,00, shqyrtoi procedurat e iniciuara nga ana e Komisioneve të Garave pas përfundimit të ndeshjeve nga java e fundit të zhvilluara me datë 21-22.11.2017, dhe për të njëjtat duke u bazuar në raportet e zyrtarëve konform Dispozitave të Rregullores Disiplinore sjelli këto vendime:
ALTIK MUHAXHIRI; lojtar (portier) i klubit të futbollit “VËLLAZNIMI“ nga Gjakova me numër të ID kartelës 002276M92 dhe licencuar në Federatën e Futbollit të Kosovës me numër të fanellës 31, në procedurë të iniciuar disiplinore nga ana e Komisionit të Garave për ndëshkim me karton të kuq (loja me dorë si lojtar fundor – jashtë zonës së rrezikimit) në ndeshjen e javës së XVI-të të Vala Superligës së Kosovës në futboll për kategorinë e seniorëve; FERONIKELI – VËLLAZNIMI, e zhvilluar me datë 22.11.2017 në stadiumin “Rexhep Rexhepi“ në Drenas (raportet e zyrtarëve dhe deklarata plotësuese e lojtarit të përjashtuar z Altik Muhaxhiri). Ai dënohet me ndalesë loje për 2 (dy) ndeshje zyrtare sipas radhës të organizuara nga ana e Federatës së Futbollit të Kosovës, në bazë të Rregullores Disiplinore neni 42 paragrafi 1 pika 1″, thuhet nga FFK.
