Skuadra italiane Roma është duke kaluar nëpër një periudhë mjaftë të mirë këtë edicion.
Verdh e kuqtë kanë kaluar fazën e grupeve në Ligën e Kampionëve si lider ndërsa janë në garë edhe për titullin e kampionit në Serie A.
Kësisoj synimi i tyre është të përforcohen edhe më shumë gjatë afatit kalimtar të janarit.
Sulmuesi algjerian, Riyad Mahrez vazhdon të mbetet objektivi numër një për fazën e sulmit.
Drejtori sportiv i Romës, Monchi ka pasur një takim me krerët e Leicester për të biseduar rreth transferimit të afrikanit në Romë.
Gjithnjë sipas medieve italiane, Roma ka gati 35 milionë euro për transferimin e Mahrezit.
Mahrez edhe gjatë verës ishte pranë Romës, madje edhe lojtari tregoi dëshirën e tij për t’iu bashkuar ‘Giallorosëve’ por në fund Leicester bllokoi kalimin e tij.
26-vjeçari ka kontratë me klubin anglez deri në qershor të vitit 2020.
